Сæрмагонд æфсæддон операцийы хæстæ æххæстгæнгæйæ чи фæмард, уыцы хъæбатырты сывæллæттæ бабæрæг кодтой бæстæйы æфсæддон историйы зæрдæ — парк “Патриот” Мæкуыйы бынмæ

Сæрмагонд æфсæддон операцийы хæстæ æххæстгæнгæйæ чи фæмард, уыцы хъæбатырты сывæллæттæ бабæрæг кодтой бæстæйы æфсæддон историйы зæрдæ — парк “Патриот” Мæкуыйы бынмæ. Уый тыххæй фехъусын кодта Сергей Меняйло. Сæргълæууæг куыд загъта, афтæмæй республикæ балц сарæзта “Фыдыбæстæ хъахъхъæнджыты” фонды филиал, Хъахъхъæнынады министрад æмæ “Рособоронэкспорт”-имæ иумæ. 36 лæппу æмæ чызджы федтой музейон экспозицитæ — Фыдыбæстæйы Стыр хæсты танктæй нырыккон хæстон машинæты онг. Уæлдай тынг сын сæ зæрдæ фæцагайтта комплекс “Зæрдылдарæн фæндаг”. Уым — сæ цард Фыдыбæстæйы сæраппонд тохты чи ныууагъта, уыцы сæдæгай хъайтарты сурæттæ. Фæсивæд бабæрæг кодтой Уæрæсейы Федерацийы æфсады аргъуан дæр. Уымæй уæлдай, сæхи бафæлвæрдтой æхсын, хæцæнгарз æмбырд кæнын æмæ æфсæддон техникæ скъæрыны. Сергей Меняйлойы ныхасмæ гæсгæ, æфсæддонты, уæлдайдæр та, цард Фыдыбæстæ хъахъхъæнгæйæ чи ратта, уыдоны цотыл узæлын уæлдай ахсджиаг у.