Сæ пайда кæныны æмгъуыд цы препараттæн фæцис, уыдон афтечы кассæйы автоматикон хуызы цæудзысты урæд. 1-æм июнæй скусдзæн механизм, кæцы иппæрд кæндзæн мæнг æмæ æнæбæзгæ хостæ. Сæрмагонд бадзырд абон бафыста хицауады сæрдар Михаил Мишустин. Ныртæккæ бæстæйы кусы препаратты змæлды мониторингы системæ, уый фæрцы иртасæн ис препаратты æрзылдмæ баххæсыны æмæ фæцух кæныны хъуыддаг.
1-æм июньмæ снывыл кæндзысты системæйы æмæ фармацевтон организациты кассæтты аппаратты æмархайд. Уый фæрцы пайда кæныны æмгъуыд цы препараттæн фæцис, уыдоны зилдух бауромдзысты. Уымæй уæлдай ма фармацевтон организацийы кусджытæ хостæ уæй кæныны размæ препараттæ уындзысты мониторингы системæйы, иртасдзысты сын сæ сæрмагонд кодтæ æмæ идентификацийы номыр. Афтæмæй мæнг препараттæ уæйгонд нæ цæудзысты.
