Черменыхъæуы зӕронд скъола бындуры онг райхæлдтой. Ныртӕккӕ ам аразынц ног, нырыккон бæстыхай. Бынаты æппынæдзух кусы сæрмагонд техникæ. Экскаватор ӕмвӕз кӕны хуыр æм змисы змӕст, дарддæр æй цъаргай лæгъз кæнынц. Уый ӕнӕмӕнг хъӕуы пъолтӕ ӕмбӕрзӕн арӕзтӕн. Ныртæккæ, зæгъæн ис, æмæ райдиан куыстытæ кæронмæ фæхæццæ кæнынц, бавнæлдтой сæм афæдзы райдиан. Стыр гуырахст сæххæст кодтой. Зӕронд аварион бæстыхайы бындур разынд ӕлыгбын, фидардзинады тыххæй йæ баивтой балластæй.
Дарддӕр аразджытӕ сисдзысты бæстыхайы цӕджындзтӕ ӕмӕ ауадзысты канализаци. Дзырдӕн зӕгъӕм, ныридӕгӕн фæцæттæ кæнынц асинты æнцойгæнæн къултӕ.
Ног скъола уыдзӕн ӕртӕуӕладзыгон. Фыццаджы — райдайӕн кълӕстӕн кабинеттӕ, дыккаджы — спортивон ӕмӕ актон залтӕ.
Арӕзтады иумӕйаг фӕзуат — 5 мин квадратон метры онг. Куыстытӕ цӕуынц нысангонд фæткмæ гæсгæ, ӕнӕ фӕстаитæй. Скъола аразынц нацпроект “Фӕсивӕд ӕмӕ сывӕллӕттӕ”-мӕ гӕсгӕ. Фæуынвæнд æй кæнынц 2027-æм азы кæрон.
