Аминæ Зарипова Дзæуджыхъæуы сарæзта дæсныйад æвдисæг ахуыртæ. Дыууæ боны дæргъы зындгон гинастикæ йæ фæлтæрддзинад æвдыста æрыгон спортсменкæтæн. Спортивон скъолайы алы хъомылгæнинаджы бæллиц дæр уыд Аминæ Зариповайы дæсныйад æвдсæг ахуыртæм бахауын. Уый дæр сын йæ зонындзинæдтæ нæ бавгъау кодта. Ахуырты бацархайдтой 70 æрыгон спортсменкæйы.
Цæгат Ирыстоны Аминæ Зарипова фыццаг хатт нæй. Куыд зæгъы афтæмæй йæ нæ республикæимæ бæтты курдиатджын гимнасткæ – Боциты Дианæ. Уый 2008 азы Европæйы чемпионаты нæ бæстæйы кад дæлæмæ не руагъта. Уыд хуыздæрты хсæн. Аминæ Зариповайы дæсныйад æвдисæг ахуыртæм ссыдысты Хуссар Ирыстонæй, Налцыгæй, Стъараполæй, Краснодарæй æмæ æндæр горæттæй. Сеппæтæн дæр ацы дыууæ бонæй рауад æцæг бæрæгбон. Уымæн æмæ ацы рæсугъд спорты хуызы сусæгдзинæдтæ баззыдтой.
