19 сентябры хъæлæс кæныны бон Цæгат Ирыстоны цæрджытæ æвзардзысты Паддзахадон Думæмæ депутатты. Уыимæ ма республикæйы цалдæр районы æвзардзысты муниципалон скондты депуттаты дæр. Ныридæгæн районтæ хъæлæс кæныны бонмæ сæхи бæстонæй цæттæ кæнынц. Се ‘хсæн Дыгуры район дæр.
Туриты Лорæ цæры Дыгуры. Сентябры мæйы йе ‘нæниздзинад дзæбæхкæнынмæ сылгоймаг цæудзæн Санкт-Петербургмæ. Фæнды йæ йæ хæс сæххæст кæнын. Уымæ гæсгæ æрбацыд бынæттон хъæлæскæныны къамисмæ. Ам ын радтой, бынатмæ гæсгæ схъæлæс кæныны бар.
Паддзахадон думæмæ Æппæтуæрæсеон æвзæрстытæ ацæудзысты ацы аз 17-æй 19-æм сентябрмæ. Уыимæ мæ республикæйы цалдæр районы æвзардзысты муниципалитеттæй депутаттæ. Дыгуры районы схъæлæс кæныны фадат уыдзæн 12 сæрмагонд бынаты.
Æвзæрстытæм нæ республикæйы цæттæ кæнынц æппæт хъæугæ мадзæлттæ. Ныридæгæн уал кандидатты хабæрттæ бæлвырд сбæрæг кæнынæн къамисы уæнгтæ хъæугæ домæнтæ арвыстой сæрмагонд ведомтсвæтæм. Уый фæрцы æвзæрстытæ ацæудзысты æнæфæлывдæй. Уыимæ ма цæрджытæ хуыздæр базондзысты кандидатты.
Алы хъæлæскæнæн бынаты дæр кусдзысты бархионтæ. Эпидемиологон уавæрмæ гæсгæ, Дыгуры районы цæрджыты сифтонг кæндзысты низæй хи ‘хахъхъæныны мадзæлттæй дæр. Схъæлæс кæнын уыдзæн дыууæ хуызы. Хъæлæскæныны агъуысты. Фæсагъуыст та — схъæлæс кæныны фадат кæмæн нæй, уыдон.
Æвзæрстытæ цæудзысты 3 боны. Иу бонмæ цы сыфтæ æрæмбырд уой, уыдонмæ уыдзæн бæстон цæстддард. Хъахъхъæндзысты сæ хицæн нысангонд дзæкъулы. Хатдзæгтæ бæрæггонд æрцæудзысты æвзæрстыты кæрон.
