Дунейы Кубокы къуххæстæй Хуссарирыстойнаг спортсментæ рамбылдтой æртæ сыгъзæрин æмæ дыууæ бронзæ майданы. Ерысты кæронбæттæн ацыд Минскы. Хуссар Ирыстоны иугонд командæйæн дыууæ уæлахизы æрхаста Тыджыты Владислав. Сыгъзæрин майдан тыхджындæрты къæпхæны æмæ бронзæ 73 килограммы уæзы. Сыгъзæрин ма ис Ирина Бабенкомæ æмæ Гуырцъыты Батразмæ. Бронзæ — Сабанты Зауырбегмæ. Командæ иумæйагæй бацахста æртыккаг бынат. Фыццаджы — Узбекистан. Дыккаджы — Уæрæсейы командæ. Æдæппæтæй бæстæйы кад хъахъхъæдтой 8 адæймаджы. Хуссар Ирыстоны минæвæрттæ куыд радзырдтой, афтæмæй сæ стырдæр бæллиц уыд сæхи тырыса æмæ гимнимæ ерысты архайын. Иугонд командæ ахæм æмвæзадмæ æрмæст тренировкæты руаджы не схыст.
Хуссар Ирыстоны иугонд командæ къуххæстæй сæмбырд кодтой хæрз æрæджы президент Гаглойты Аланы æххуысæй. Гом турниры хатдзæгтæм гæсгæ иугонд командæйы хыгъдмæ бахастой нæ республикæйы спортсменты дæр. Архайынц къуххæстæй Цæгат Ирыстоны æмæ Уæрæсейы иугонд командæйы тренеримæ. Кадиты Нариман куыд фæнысан кодта, афтæмæй командæ æппæтадæмон æмвæзадыл фыццаг хатт архайы, ныридæгæн равдыстой хорз бæрæггæнæнтæ. Ныр дарддæр сæхи цæттæ кæнынц дунейы чемпионатмæ. Ацæудзæн Мæскуыйы 16-æм декабры.
