Дыгуры районы фосæн вакцинаци кæнынц. Æдæппæтæй дзы ис авд зæхкусæгон-фермерон хæдзарады. Прививкæтæ сты фаднизы ныхмæ. Уый у вирусон хæцгæниз æмæ зиан хæссы мидæггаг оргæнтæн. Исынц туг бруцеллёзæн. Ацы низ хъыгдары зæрдæ æмæ дадзинты, дныхуыппæрдон æмæ нервон системæтæ, суанг ма æнцойгæнæн-змæлыны оргæнтæ дæр.
Къаддæр тæссаг нæу уайæгой. Суанг ма адæймагыл дæр бахæцы. Специалисттæ цæст дарынц хæбуз æмæ паразиттæм. Бынæттон цæрджытæ арæх æлхæнынц фермертæй дзидза, æхсыр, къуымбил. Уый тыххæй сæ хæрхъæддзинад гуырысхойаг хъуамæ ма уа.
