Дзæуджыхъæуккаг æфсæддон центры байгом кодтой «Хъæбатырты къул». Проект æххæст кæнынц Цæгат Кавказы æфсæддон намысы горæтты. Ахуырадон уагдæтты стендтыл – Фыдыбæстæйы Стыр хæсты хъайтарты къамтæ. Мадзал саразæг «Ассоциация студентов вузов Северного Кавказа» æмæ фæсивæды хъуыддæгты фæдыл федералон агентад.
Сæйраг хæс – патриотизмы æнкъарæнтæ гуырын кæнын. Стенды ис сæдæ къамы æмæ ма сыл фæстæдæр бафтдзæн. Проекты фæлгæты ма сывæллæттæ æмбæлыдысты Уæрæсейы хъæбатыртимæ æмæ хæстон цауты ветерантимæ.
