Классикæ ирон фæндыры зæлтæй. Дзæуджыхъæуы ацыд æппæтадæмон æмæ æппæтуæрæсеон конкурсты лауреат Сæлбиты Лианæйы концерт. Азæлыдысты куыд дунеон музыкалон классикæйы уацмыстæ, афтæ нырыккон композиторты мелодитæ. Сæлбиты Лианæ у Дзæуджыхъæуы Гергиты Валерийы номыл аивæдты колледжы, уыимæ аивæдты лицейы ахуыргæнæг.
Сæлбиты Лианæ у «Ансамбль осетинских народных инструментов» ахуырадон программæйы автор. Пайда дзы кæнынц студенттæ. Музыкалон аивады рæзтмæ ахадгæ æвæрæн кæй хæссы, уый фæдыл культурæйы министрадæй хорзæхгонд у кады гæххæттæй.
