2022-æм азы Кæркуысты Ираклий сæрмагонд æфсæддон операцийы бынаты фæцæф. Къах æмæ къух бахъахъхъæнын бантыст дохтырты фæрцы. Фæлæ нырма дæр тас у тромбозты парахатæй. Нæлгоймагæн нæй рæмбыныкъæдз, æнхъæлмæ кæсы квотæмæ гæсгæ операцимæ. Хирургтæ йын ныфс æвæрынц. Афæдз дыууæ хатты æфсæддон цауты ветеран, æнæмæнг, ацæуы диспансеризаци.
Диспансеризаци кæнынц тагъд æмæ хæрзхъæд. Æххуыс кæны “Фыдыбæстæ хъахъхъæныджытæ” фонд дæр. Ведомствæйы сæ хъус дарынц медицинон æмæ социалон æххуыс кæй хъæуы, уыдонмæ се ‘ппæтмæ дæр. Республикæйы æнæниздзинадхъахъхъæнынады министрады бадзырдмæ гæсгæ, Дзæуджыхъæуы 1, 4 æмæ 7 поликлиникæты сæрмагонд æфсæддон операцийы архайджытæн ис “Зеленый коридор”, кæй хонынц, уый. Хæстонтæн сæ бон у æнæ радæй æппæт анализтæ раттын æмæ процедурæтæ скæнын.
Фдзæхстадон медицинæйы фыццаг хатт фæзынд хицæн хай сæрмагонд æфсæддон операцийы архайджытæн. Фæнысан дзы кодтой æппæт хæстæ æмæ лæггæдтæ хъуамæ кæд сæххæст кæной, уыцы æмгъуыд. Дзæуджыхъæуы фыццæгæм поликлиникæйы дохтыртæ иу бонмæ скæнынц æппæт иртæстытæ æмæ раттынц хъæугæ амындзинæдтæ.
Специалистт уырны, сæрмагонд æфсæддон операцийы архайджытæн диспансеризаци æнæмæн гхъæугæ у. Цыфæнды цæфæн дæр йæ бон у зындзинæдтæм расайын. Уый хъæуы рагацау рабæрæг кæнын. Уæлдай ахсджиаг та, дохтырты ныхасмæ гæсгæ у психиатрты æмæ психологты æххуыс. Йæ æнæниздзинад хъыгдард кæмæн у, уыцы хæстонтæн ис сæрмагонд хæдтулгæтæ. Бригадæн йæ бон у рацæуын æмæ æппæт иртæстытæ дæр хæдзары скæнын.
