Дзæуджыхъæуы ацыд “Алания. Это моя земля” 50-æм æмбырдгонды презентаци. Чиныгмæ бацыдысты 29 хуыздæр куысты, литературон конкурсы хатдзæгтæм гæсгæ. Æдæппæтæй мадзаларазджытæ республикæйы цæрджытæй æмæ уазджытæй райстой 92 курдиаты. Архайджыты ‘хсæн журналисттæ, историктæ, бæстæзонджытæ, педагогтæ æмæ скъоладзаутæ. Автортæ радзырдтой Цæгат Ирыстоны культурон бынтæ, истори æмæ зындгонд бынæтты тыххæй. Чиныг рауагътой сæрмагонд проекты фæлгæты. Сæххæст æй кодта Ирыстоны культурæйы фонды сфæлдыстадон къорд, культурон хъæппæристы Президентон фонды æххуысæй. Æмбырдгонды электронон хуыз та лæвар ссарæн ис платформæ Ridero-йы.
