Дзукъаты Маринӕ йӕ зӕнгты ӕмӕ астӕуыстӕджы рыстыты тыххӕй æрбацыд дохтырмæ. Ахӕм хуызы æркаст ын сси ногдзинад. Процедурæ бирæ рæстæг нæ бацахста, пациенткæ куыд зæгъы, афтæмæй ацыд удæнцойæ.
Иртæстытæ кӕнынц рентгены ног аппаратыл. Уый ӕххуыс кӕны стӕджы ӕнгомад сбӕрӕг кӕнынӕн, састы бынат фенынæн, гæнæн ис, æмæ сбӕрӕг кӕна остеопороз йӕ фыццаг къӕпхӕнты. Æркаст фылдæр амонынц хистӕр кары адӕмӕн, бæлвырд рӕстӕг сылгоймӕгтӕн ӕмӕ, сæстытæ кӕмӕ уыд, уыцы пациенттæн.
Медицинон æркастæн бахъæуы 10 минутӕй 25 минуты онг, скан кӕныны хаймæ гӕсгӕ. Процедурӕ у ӕнцонвадат, тынуафӕн уӕз та рынчыныл у хӕрз чысыл. Уый уӕлдай ахсджиаг у диагностикон иртæстытæ кæнгæйæ.
Ног ифтонггарз поликлиникӕ райста программӕ “Уæнгрог ӕмӕ дӕргъвӕтин цард”-ы фӕлгӕты. Республикӕйы паддзахадон медицинон кусæндоны рентгены аппараты ахæм хуыз ӕвӕрд ӕрцыд фыццаг хатт. Гæрз кусы 4-ӕм поликлиникӕйы фыццæгæм филиалы. Программӕйы фӕлгӕты медицинон организацитæ дарддæр хъæугæ техникæйæ ифтонг кæндзысты, цæмæй медицинон æххуысы æнцонвадт æмæ хæрзхъæддзинад фæбæрзонддæр уа.
