Дзæуджыхъæуы байгом «М.Видео»-йы æртыккаг дукани. Æрбынат кодта Къостайы проспекты 15-æм номыры. Дуканимæ æрбацæуджытæм æнхъæлмæ кæсы цымыдисаг конкурстæ, лæвæрттæ, уыимæ ма аслам æргътæ. Уазиты Зæлинæ бæлвырддæр радзурдзæн.
Хæдзары хъæугæ дзауматæ, чырæ телефонтæ, ноутбуктæ. Ам равзарынмæ уый бæрц товар ис, æмæ се ‘ппæтыл цæст хæцгæ дæр нæ кæны. Хуыздæр æмæ хъæугæ товар равзарынмæ æххуысмæ цæттæ сты професионалон кусджытæ. Специалисттæ раргом кæндзысты æмæ равдисдзысты продукцийы техникон гæнæнтæ. Дуканийы ссарæн ис раззагдæр фирмæты техникæ. Зæрдæмæдзæугæ товар уын суанг уæ хæдзары къæсæрмæ дæр бахæццæ кæндзысты. Компьтерон техникæ уын йӕ бынаты сæвæрдзысты æмæ скусын кæндзысты. Фæлхасгæнджытæ ахæм лæггæдтæй разы сты.
Артём Аксёнов: «Арæх балхæнын техникæ «М.Видео»-йы. Фæстагмæ дзы балхæдта, смарт сахат кæй хонынц, уый. Тынг хъæугæ æмæ зæрдæмæдзæугæ дзаума разынд. Ӕхсызгон мын у æртыккаг дукани дæр кæй байгом, уый. Йæ бынат дæр хорз у. Хæстæг æм сты иннæ дуканитæ дæр. «М.Видео»-йы æппынæдзух фæцæуынц акцитæ. Лæггад дзы кæнынц, сæ куыст чи зоны, ахæм специалисттæ. Уайтагъд дæ фарсмæ æрбалæудзысты, фæххуыс кæнындзысты ӕвзарынмӕ. Кæд цавæрдæр товар дуканийы нæ разыны, уæд æй сӕрвитын кæнынц. Цыбыр рæстæгмæ йæ дæ къухы балæууын кæндзысты».
Хæдзары хъæугæ техникæ æмæ электроникæйы дукани «М.Видео» Дзæуджыхъæуы цæрджытæм ноджы фæхæстæгдæр ис. Ног, райдзаст дукани байгом Къостайы проспекты 15-æм номыры. Нæ горæты сси æртыккаг. Уымæ гсæгæ æлхæнджытæм æнхъæлмæ кæсы æхсызгон лæвар. Товарты æргътæ суанг 99% онг æрцыбыртæ кодтой. Уымæй уæлдай ма æрбацæуджытæн бацæттæ кодтой хи ирхæфсæн программæ æмæ конкурстæ лæвæрттимæ. 22-æм февралæй 23-æм февралмæ та сæрмагонд акци. Цæмæй йæ архайæг суай, уый тыххæй хъæуы цыбыр номыр 2420-мæ арвитын хъæуы ныхас – «MVIDEO99». Фæстæмæ уæм æрбацæудзæн хъусынгæнинаг промкодимæ. Уыимæ ма, хъусынгæнинаджы нысангонд уыдзæн æргътæ уын цал проценты фæкъаддæр кодтой, уый. Кассæйы ацы хъусынгæнинаг куы равдисат, уæд уын товар асламдæр аргъыл рауæй кæндзысты.
Алим Мурзаканов, дуканийы директор: «Ног дукани, æнæмæнг, фæцæудзæн æлхæнджыты зæрдæмæ. Горæты цæрджытæн балӕвар кӕндзӕн æхсызгон æнкъарæнтæ. Æнхъæлмæ сæм кæсынц хæдзары хъæугæ дзауматæ æмæ техникæ. Уыимæ ма, хорз аргъæй. Уæйгæнджытæ алы лыстæгдзинад дæр бæстонæй бамбарын кæндзысты æлхæнæгæн. Уымæ гæсгæ уæм сидын алкæддæр, цӕмӕй пайда кæнат «М.Видео»-йы лæггæдтæй».
«М.Видео»-йы товартæ райсæн ис, кредитæй спайда кæнгæйæ, науæд та æфстау. Уыимæ ма, фыццаг фиддон нæ бахæсгæйæ. Дуканийы ма райсæн ис, раздæр сæрмагонд сайты цы товартæ балхæдтат, уыдон дæр. Техникæ самал кæнæн ис сæрмагонд мобилон уæлæфтуаны руаджы дæр. 15 минутмæ уе ‘взæрст товар райсæн ис бынаты.
