Дзæуджыхъæуы байгом къуххæстимæ баст спортивон фестиваль «Мирный Кавказ». Мадзал республикæйы сарæзтой 8-æм хатт. Фестивалы архайджыты æмæ, ерыстæм бакæсынмæ чи рбацыд, уыдонæн арфæйы ныхæстæ загътой кадджын уазджытæ. Архайыны тыххæй та нæм спортсментæ сæмбæлд Цæгат Кавказы алы регионтæй. Сæ дæсныйад дзы æвдисынц, 18 азы кæуыл нæма цæуы, ахæм лæппутæ æмæ чызджытæ. Ерысты райдиан спортсментæ фенын кодтой æвдисæн тохтæ. Фестивалы программæйы – спорты алы хуызтæ: джиу-джитсу, æфсæддон къуххæст, тайаг бокс, самбо æмæ æндæртæ.
Бæрæгбоны сæйраг нысан – Кавказы адæмты `хсæн культурон бастдзинад фидардæр кæнын. Хæлардзинады уидæгтæн ерыстæ сты хорз бындур. Бафтаудзыстæм ма уый, æмæ æдæппæтæй фестивалы 300 спортсменæй фылдæр кæй архайы. Спортивон фестиваль Манежы фенæн уыдзæн 14-æм октябры онг.
