Дзæуджыхъæуы Национ наукон чиныгдоны байгом цымыдисаг равдыст. Бацархайдтой дзы се ‘нæниздзинад хъыгдæрд кæмæн у, уыцы сывæллæттæ, се `фсымæртæ æмæ сæ хотæ. Равдыст хуыйны «Радуга возможностей».
Уæвгæ, ацы хъуыды алы куыст дæр æргом кæны. Æрдзы нывтæ, фæлгонцтæ, натюрморттæ, ис дзы лыстæг фæрдгуытæй æмæ пластилинæй хъазæнтæ национ æмæ аргъæутты хъайтарты хуызы конд. Уыдонæй алкæцы дæр у реабилитацион центртæ «Феникс», «Доброе сердце» æмæ сывæллæтты хæдзар «Ласка»-йы хъомылгæнинæгты къухвæллой.
Социалон рæзты министр Айдарты Алинæйы ныхæстæм гæсгæ, ахæм архайд сывæллæттæн æргом кæны сæ миддунейы хъæздыгдзинад. Равдыст снысан кодтой се ‘нæниздзинад хъыгдард кæмæн у, уыцы адæмы æхсæнадæмон бонмæ. Равдыст ахæссдзæн 6 декабры онг.
