Дзæуджыхъæуы сабырдзинады проспекты байгом кодтой равдыст “Без срока давности”

30.05.2024 13:24

Ис дзы, абон не ‘хсæн чи нал ис, уыдоны хуызистытæ æмæ нæмттæ, æнусмæ адæмы зæрдæты чи цæрдзæн, уыдон.

Рох кæнæн кæмæн нæй. Дзæуджыхъæуы сабырдзинады проспекты байгом кодтой равдыст “Без срока давности”. Ис дзы, абон не ‘хсæн чи нал ис, уыдоны хуызистытæ æмæ нæмттæ, æнусмæ адæмы зæрдæты чи цæрдзæн, уыдон. Стендтыл рагон историон документтæ, алыхуызон иртæстыты хатдзæгтæ, сног кæнын кæй бантыст, ахæм æрмæджытæ. Се ‘хсæн ма нацистты фыдракæндты æвдисæнтæ Фыдыбæстæйы Стыр хæсты рæстæг. Иумæйагæй сæ æмбырд кодтой æхсæнадон иугондтæ æмæ республикæйы наукон архайджытæ. Ацы экспонаттæм кæсгæйæ, цæстытыл ауайынц уæды рæстæджы æбуалгъ цаутæ. Архивтимæ бæстонæй кæй бакуыстой, уый зыны. Историон цаутæ ист сты республикæйы æппæт районтæн дæр. Равдыст сарæзтой федералон проекты фæлгæты. Сбастой йæ Стыр Уæлахизы 80-æм азы бонимæ.

Предыдущий материал

Цæгат Ирыстоны фæндаггон инфраструктурæйы райрæзтыл æрдзырдтой хицауады æмбырды

Следующий материал

Цæгат Ирыстоны медицинон академийы сбæрæг кодтой преми “МегаДоктор: за вклад в развитие медицины Осетии”-йы финалистты

Читайте также

Все новости