Дзæуджыхъæуы сæрмагонд конференцийы фæлгæты æрныхас кодтой сылгоймæгты цы фарстатæ тыхсын кæны, уыдоныл

Национ наукон чиныгдоны арæзт æрцыд конференци “Сылгоймаджы æмæ ныййарæджы ахадындзинад нырыккон дуджы”. Мадзалы архайдта Цæгат Ирыстоны муфтий Гуæцæлты Хадзымурат, уыимæ бирæсывæллонджын мадæлтæ, ахуыргæндтæ, хицауады уæнгтæ æмæ æхсæнады минæвæрттæ. Сæ раныхасы баиу кодтой профессионалон бæрæггæнæнтæ, бынæттон статистикæ æмæ хицæн цаутæ. Сæйраг темæ хъомылады фарстатæ æмæ сылгоймæгтæн кад кæнын хæрз чысылæй фæстæмæ. Экспертты хъуыдымæ гæсгæ, ахæм бындуртæ хъуамæ æвæрд цæуой бинонты, рæзын та сæ хъуамæ кæной æхсæнады. Конференцийы хатдзæгтæм гæсгæ æрæмбырд кæндзысты архайджыты хъуыдытæ æмæ снысан кæндзысты куысты фыццаг къахдзæфтæ.