Дзæуджыхъæуы скъоладзауты зонгæ кæнынц нæ республикæйы сæйраг горæтимæ. Трамвайты экскурситæ та сног кодтой. Ацы сезоны фыццаг бæлцæттæ сты Луганскæй сывæллæттæ. Бирæты фæнды ахæм цымыдисаг балцы ацæуын, на райгуырæн бæстæ æмæ зæронд Дзæуджыхъæуы историйы цаутæй фылдæр базонын. Ретро-трамвай экскурситæ кæндзæн сæрдыгон каникулты агъоммæ.
Мадзал аразджытæ сты сывæллæтты æмæ фæсивæдон туризм æмæ экскурситы республикон центр. Æххуыс та сын бакодта Цæгат Ирыстоны ахуырад æмæ наукæйы министрад.
