Дзæуджыхъæуы туятæн саудар назы зæриндар знаггад кæнын райдыдта

Дзæуджыхъæуы туятæн саудар назы зæриндар знаггад кæнын райдыдта. Зиангæнæг саск у зæххастæуденджызон æмæ республикæмæ æрбахауд æртæ азы размæ. Æрбаластой йæ хихджынты талатимæ иумæ. Фыццаг уал æрдзхъахъхъæнджытæ иуæй-иу бæлæстыл бур къалиутæ бафиппайдтой, фæлæ йæ уазæлтты аххос фæкодтой. Æрæджы ног хатдзæгмæ æрцыдысты — Цæгат Ирыстоны климæт фæхъарм. Раздæр ацы “æнæхуынд уазæгæн” махмæ æгæр уазал уыд. Хъæндилы быртæ бæласы зæнг мидæгæй бахæрынц. Цъар та иууыллдæр хуынчъытæ фесты. Туя уайтагъд бахус вæййы. Хъæндилæн йæ бон хæхты дæр æрбынат кæнын у æхсæлыйыл. Йæ фесафынæн æрмæст иу мадзал ис ныртæккæ — хус къалиутæ лыг кæнын æппынæдзух. Цæгат Ирыстоны паддзахадон университеты ахуыргæндтæ саскмæ цæст дарынц. Абоны онг хъыгдард баййæфтой горæты бæлæсты 5%.