Дзæуджыхъæуы уыд футболон турнир республикæйы сывæллæтты хæдзæрттæ æмæ интернатты хъомылгæнинæгты æхсæн. Ерысты бацархайдтой Психологон-педагогон реабилитаци и коррекцийы центры сывæллæттæ дæр. Хъæзтытæ ацыдысты дыууæ къæпхæнæй: æрдæгфиналтæ æмæ финал.
Уæлахиздзауты æмæ призёрты схорзæхджын кодтой кубоктæ æмæ майдантæй. Фæсивæды зæрдæтæ бахъæлдзæг кæныны тыххæй турнирмæ æрбацыдысты «Алани»-йы футболисттæ æмæ «Алайнаг фыранкты» клубы минæвæрттæ. Мадзаларазджытæ — Дзæуджыхъæуы хæдахуыр футболон лигæ, иугонд «Культурная и спортивная инициатива» æмæ Владимира Потанины хæрзаудæн фонд.
