Цæгат Ирыстон суазæг кодта медицинон кусджыты кадæн дыккаг Æппæтуæрæсеон мотоциклтыл дугъ. Мадзаларазæг – Пётр Горохов, медицинон æххуысы академийы регионалон экспертон советы сæрдар Петербургæй. Йæ хъуыдымæ гæсгæ, æмæхсæнады бастдзинад фидардæр кæнын хъæуы – æрбангом кæнын æгас бæстæйы медикты. Иумæйагæй ныхас кæнын къабазы аиуварсгæнинаг фарстатыл. Уыцы нысанимæ хъуамæ бабæрæг кæной 40 горæты.
Ивгъуыд аз маршрут цыд Владивостокы уылты, ацы аз та бабæрæг кодтой Петрозаводск, Волгоград, Новороссийск, Краснодар, Севастополь, Луганск æмæ Донецкы адæмон республикæтæ æмæ ма суанг Абхази дæр. Фæндагыл фесты дыууæ къуыримæ хæстæг. Уазджытæ ирыстойнаг дохтыртимæ фембæлдысты Республикон клиникон рынчындоны. Алы архайæг дæр йæ къухфыст ныууагъта тырысайыл – акцийы символыл. Уыимæ ма апарахат кодтой бастдзинады гæнæнтæ дæр.
