Дзанайты Барис амыдта Цæгат Ирыстоны культурæйы райрæзты фæдыл æмбырд

Культурӕйы райӕзтӕн Цæгат Ирыстоны рахай кæндзысты ӕрдӕг миллиард сомӕй фылдӕр. Паддзахадон программӕтӕ ӕмӕ национ проекттыл ӕрдзырдтой Дзанайты Барисы разамындӕй æмбырды. Профилон министр Гуыдиаты Батраз куыд фехъусын кодта, афтӕмӕй ӕхцайы фӕрӕзты иумӕйаг бӕрц у 520 милуан сомӕй фылдӕр. Се ‘мбис ацӕудзӕн нацпроект “Бинонтӕ”-мӕ. Уымæй уæлдай, сараздзысты экспозици Ӕппӕтадӕмон центр “Беслӕн. 1-ӕм скъола”-йæн. Аивадон ӕмӕ Национ музейтӕ ногӕй сифтонг кӕндзысты, дыууӕ моделон чыныгдоны ӕмӕ сфӕлдыстадон индустриты скъола байгом кӕндзысты. Премьер бабар кодта æппæт объекттӕ туристон маршруттӕм бахӕссын. Ныртӕккӕ Культурæй министрад æмæ Арӕзтады министрад 2027-æм азы мадзæлтты фæдыл гӕххӕттытӕ арвыстой Мӕскуымӕ. Дзанайты Барис бадомдта федералон центримӕ куыст фӕтыхджындӕр кӕнын, инфраструктурӕ сног кæныны тыххӕй. Ноджы ма бабар кодта культурӕйы кусæндæтты хи ӕфтиӕгтӕ фӕфылдӕр кӕнын.