Самара, Ног Уренгой æмæ Дæллаг Новгород. Аэропорт “Дзæуджыхъæу”-ы рейсыты географи ноджы фæуæрæхдæр ис. Уый у туризмы райрæзтимæ баст. Уый тыххæй хицауады æмбырды фехъусын кодта Дзанайты Барис. Йæ ныхæстæм гæсгæ, æртæ азмæ фæзынд Казань, Пермь, Челябинск, Уфа, Екатеринбург æмæ Новосибирскмæ ног рейсытæ. Æххæстгонд цæуынц регионалон бюджеты субсидитæй Сергей Меняйлойы бардзырдмæ гæсгæ. Æмбырды рæстæг хатдзæгтæ скодтой регионы социалон-экономикон райрæзтæн. Цы промышленнон продукци ласынц республикæйæ, уый нымæц фæфылдæр 26 процентмæ ‘ввахс. Цæрæн хæдзæрттæ пайда кæнынмæ раттыны хъуыддаг фæфылдæр 1,4 хатт. Хъæууон-хæдзарадон товартæ уадзынад та — 6,1%.
Къостайы проспекты аварион æдзæрæг бæстыхай ныппырх кæндзысты. Йæ бынаты сараздзысты ацæргæ æмæ инвалидты хæдзар-интернат 200 бынатæн. Куыд ма рабæрæг, афтæмæй Курчатовы номыл институты ацæудзысты Цæгат Ирыстоны бонтæ. Ахуырадон æмæ культурон мадзæлттæ райдайдзысты майы. Программæ снысан кодтой Ирыстон Уæрæсеимæ баиу кæныны 250 азмæ, Дзæуджыхъæуæн бындур сæвæрыны 240 азы æмæ республикæйы сконды 100 азмæ. Уымæй уæлдай, 300 млн сомæй фылдæр Цæгат Ирыстонæн рахай кодтой 35 скъола нырыккон ифтонггæрзтæй сæххæст кæнынæн. Ноггонд уавæрты ахуыр кæндзысты ноджы 20 мин сывæллоны.
