Дзанайты Барис сарӕзта ӕмбырд Цӕгат Ирыстоны ӕнӕниздзинад хъахъхъӕныны системӕйы райрӕзты фæдыл. Ӕрныхас кодтой медицинон кусæндæтты арӕзтад ӕмӕ цалцӕгыл, ифтонггарз ӕлхӕныныл, автопарк сног кӕныныл ӕмӕ кадртæй æххæст кæныныл.
Фӕстауӕрцы фӕрцы конкурсон процедурӕты хатдзӕгтӕм гӕсгӕ къухы бафтыд 77 милуан сомы бӕрц медицинон ифтонггарзӕн арвитын. Уый тыххæй фехъусын кодта дзуапдæттæг министр Митциты Астан. Техникӕйы иу хай ныридӕгӕн радтой дзӕбӕхгӕнӕн кусæндæттæн, иннӕ бынатмæ фæхæццæ уыдзæн афӕдзы кӕронмӕ. Ног кусæнгæрзтæ райсдзӕн Республикон онкологон диспансер дæр. Нацпроект “Дӕргъвӕтин ӕмӕ уæнгрог цард “-мӕ гӕсгӕ регионы аразынц ӕхсӕз амбулаторийы ӕмӕ дыууӕ фелсырон-акушерон пункты. Аст объекты дӕр хъавынц фӕуын афӕдзы кӕронмӕ. Уыимæ ма дарддӕр цӕуы ӕртӕ медицинон кусæндоны бындурон цалцӕг. Ацы аз поликлиникӕтӕн ӕмӕ районы рынчындӕттӕн самал кодтой 16 хӕдтулгӕйы пълангонд 11-ы бæсты, уӕлӕмхасӕн фондз хæдтулгæйы балхӕдтой фӕстауӕрцгонд фӕрӕзты фӕрцы. “Хъæууон дохтыр” ӕмӕ “Хъæууон фелсыр” программӕтӕм гӕсгӕ афӕдзы райдайӕнӕй фӕстӕмӕ куысты нылæууыдысты 10 специалисты.
Дзанайты Барис бабар кодта ӕппӕт мадзӕлттӕ дӕр ӕмгъуыдмӕ фӕуын ӕмӕ алы кусæндоны дӕр ӕххӕстæй кусын.
