Виктория Бондарь ахуыр кӕны дыккæгæм къласы. Уымӕн 22-ӕм скъолайы лагерь “Наследники славы”-йы каникултӕ сты фӕлладуадзӕн рӕстӕг дӕр ӕмӕ ног хӕлӕрттӕ ссарыны гæнæн дӕр. Чызг ам фыццаг хатт нæй. Йæхæдæг куыд зæгъы, афтæмæй дзы йæ зæрдæмæ цæуы: ивгъуыд фæлтæрæй бирæтимæ хæларæй баззад, ныр дæр та йӕ зӕрды ис ноджы фылдӕр зонгӕтӕ скӕнын.
Скъолайы раз лагеры программæ у мидисджын. Райсом райдайы зарядкæйæ. Уый фӕстӕ — кино, экскурситӕ ӕмӕ эстафетæтæ. Уӕлдай ӕргом здахынц ӕдасдзинадмӕ ӕмӕ хъомылгӕнджыты ӕвзарынмӕ.
Скъоладзаутӕн цымыдисаг ӕвдӕлон рӕстӕг сарӕзтой 41-ӕм скъолайы лагерь «Мы вместе»-йы. 10-аздзыд Аделина Суднева, 5-æм къласы ахуыргӕнинаг, уый скъолайы лагеры йæ уæгъд рæстæг фыццаг хатт не ‘рвиты.
Ам йӕ каникултӕ рауайынц хъӕлдзӕг, æппынæдзух вæййы йе ‘мбæлттимæ.
Мадзаларазджытæ ӕмӕ хъомылгӕнджытӕ архайынц улæфты рæстæг æрмæст хъӕлдзӕг нӕ, фӕлӕ удӕнцой скӕныныл дӕр. Лагеры ис цыппар къорды — авд азӕй дыууадӕс азы онг сывӕллӕттӕ. Æнахъомтæн вæййы дыууæ аходæны, ӕвдӕлон рӕстӕг ӕмӕ ӕдасдзинадæн та дзуапп дӕттынц скъолайы ахуыргӕнджытӕ.
Скъолайы раз лагерьтӕ байгом кодтой 156 ахуырадон организацийы бындурыл. Фæсивæдæн нывгонд у алы минут дӕр. Уыдон базонынц бирæ ногдзинæдтæ, архайынц сфӕлдыстады, сӕ фӕллад суадзынц ӕмӕ сын фæзыны ног хӕлӕрттӕ. Лагерьты цæттæ кæнынц бархионты, патриотон, техникон ӕмӕ аивадон сменӕтӕ.
Сывæллæттæм ма разӕй æнхъæлмæ кæсы цымыдисаг программӕ ӕмӕ парахат улӕфт. Мадзаларазджыты уырны, ӕнкъард никӕмӕн уыдзӕн.
