Хицауады хæдзары æрдзырдтой æнæниздзинадхъахъхъæнынады райрæзты фарстатыл. Æмбырд амыдта премьер Дзанайты Барис. Куыд рабæрæг, афтæмæй ныртæккæ республикæйы цæуы æнæниздзинад хъахъхъæнынады 6 уагдоны арæзтад æмæ цалцæг.
Бæстæйы профилон министрад ма рахаста ноджыдæр 3 объекты саразынæн баххуыс кæныны фæндон. Уыдзысты Мæздæджы районы. Бынæттон разамынды æвæстиатæй хъæуы фидæны фелсырон-акушерон пункттæн зæххы хæйттæ радих кæнын, – загъта республикæйы æнæниздзинад хъахъхъæнынады министр Тебиаты Сослан. Уымæй уæлдай, афæдзы дæргъы Цæгат Ирыстон райсдзæн медицинон ифтонггæрзты 55 иуæджы. 9 хæдтулгæйы та балхæдтой районты дзæбæхгæнæндæттæн.
Уæлдай æргом здæхт цæуы зæрдæйы æмæ тугдадзинты низтимæ тохмæ. Республикон клиникон рынчындоны сæрмагонд цæнтр хæстæг рæстæг райсдзæн томограф. Скусын æй кæндзысты афæдзы кæронмæ.
Дарддæр куыст цæуы дæрддзæф хъæуты цæрджыты хостæй ифтонг кæныныл. Ныридæгæн байгом кодтой 39 уæйгæнæн хайады. Сты Цми, Балта æмæ Ларсы дæр. Сæ нымæц ноджыдæр фæфылдæр уыдзæн. Дæрддзæф цæрæн бынæттæ хостæй ифтонг кæнын бабар кодта регионы разамонæг Сергей Меняйло.
