Йæ 25 азы юбилей бæрæг кæны Хæххон паддзахадон аграрон университеты юридикон факультет. Сæмбæлдысты йыл хъæлдзæгæй. Кады гæххæттытæй хорзæхгонд æрцыдысты, алыхуызон архайды чи фесгуыхт, уыцы кусджытæ. Уазджытæн бацæттæ кодтой концерт.
Дарддæр ацыд тымбыл стъол. Мадзалы бацархайдтой республикæйы Парламенты æмæ барадхъахъхъæнæг оргæнты минæвæрттæ, тæрхондоны пъырыстыфтæ, стæй факультеты раздæры рауагъдонтæ. Раарфæ кодтой уæлдæр ахуырадон уагдоны кусджытæ æмæ студенттæн. Фæбæрæг кодтой, факультетæй æрвылаз кæй рацæуы сæдæгай хъæугæ æмæ дæсны специалисттæ.
