Дзанайты Барисы разамындæй уыд æмбырд Уӕрӕсейы горӕтты ӕппӕтнацион конкурс “Культурная столица года”-йы 2028-æм азы Цæгат Ирыстоны архайды фæдыл. Дзӕуджыхъӕу бахауд финалистты хыгъдмӕ. Æркаст сарæзта территориты культурон, наукон-ахуырадон ӕмӕ социалон-экономикон къабӕзты рӕзты Фонд “Культурная столица” культурон хъæппæристы президенты фонды æххуысæй. Фӕз ӕххуыс кӕны регионтӕн сӕ культурон ӕмӕ социалон-экономикон хъомыс равдисынӕн, зæрдæмæдзæугæ фӕлгонц сфидар кӕнынӕн, уыимæ инвестицион ӕмӕ туристон мадзæлтты рӕзтӕн фадӕттӕ саразынӕн.
Дыккаг къӕпхӕны архайыны тыххӕй курдиӕттӕ исдзысты 31-æм октябрьмæ. Дзанайты Барис бабар кодта хи ӕвӕстиатӕй бацӕттӕ кӕнын. Премьер-министр ма радта амынддзинад, цӕмӕй 1-æм декабрьмӕ арӕзт ӕрцӕуа Ирыстоны сӕйраг горæты ӕхсӕнадон презентаци конкурсы кӕронбӕттӕнӕн, уый ацӕудзӕн Национ центр “Уӕрӕсе”-йы. Уӕлахиз фадат ратдзӕн егъау фестивальтӕ, раззагдӕр театрты гастрольтӕ, федералон музейты равдыстытӕ, форумтӕ ӕмӕ концерттӕ аразынӕн. Уыцы иу рӕстӕг ӕххӕстгонд цӕуы ӕппӕтуӕрӕсеон хъӕлӕскæнынад, архайын дзы йӕ бон у алы цæрæгæн дӕр, ахӕсдзӕн 30-æм ноябрьмӕ. Номинаци «Народное голосование»-йы уæлахиздзау кадджын уавæры сбæрæг уыдзæн Мæскуыйы.
