Дзанайты Барисы разамындæй уыд æвылкъурион аппаратон æмбырд

Хъармгæнæн сезон фæуынвæнд кæнынц 1-æй 5-æм майы онг. Ныртæккæ хъарм цæуы æппæт социалон кусæндæттæм дæр. Уый тыххæй аппаратон æмбырды фехъусын кодта цæрæнуæтты-коммуналон хæдзарад, артаг æмæ энергетикæйы министр Хъараты Тимур. Боныхъæды тыххæй ма тæссаг у æнæнхъæлæджы цаутæй. Профилон министрады специалисттæ куыд хъусын кæнынц, афтæмæй кусынц бынæттон зынгхуыссынгæнæн-ирвæзынгæнæн гарнизонты 9 оперативон къорды. Уыдон бæрæг кæнынц цæугæдæтты æмвæзад, былгæрæттæ æмæ хидты уавæр. Ныхас ма цыд эпидемиологон уавæрыл дæр. Ныртæккæ республикæйы у сабыр. Æппæт скъолатæ æмæ рæвдауæндæттæ сты гом æмæ кусынц. Æнæниздзинадхъахъхъæнынады министрад æркаст Дагестанæй цы сывæллæттæ ссыдысты, уыдоны æнæниздзинадмæ. Фондзмæ дзы рабæрæг кодтой æхснырсæджы миниуджытæ, ныртæккæ сты рынчындоны. Иу ахсджиаг хъуыддаг та ма – объектты контракттæ.