Фидараты Юрийы снысан кодтой газет “Рæстдзинад”-ы сæйраг редакторæй. Раздæр уыд мыхуыры хъуыддæгты æмæ дзыллон коммуникациты фæдыл Комитеты сæрдар. Уый тыххæй фехъусын кодтой хицауады æмбырды. Амыдта йæ Дзанайты Барис. Ныхас ма дзы цыд æнæниздзинад хъахъхъæнынады къабазы фарстатыл. Сфидар кодтой “Сæкæрнизимæ тох кæныны” регионалон программæ. Йæ сæйраг нысан у низ рагагъоммæ раиртасын æмæ дзæбæх кæнын райдайын.
Ныхас ма цыд туризмы райрæзтыл, бæлвырддæр та – инфраструктурæйыл. Республикæйы хъæууонхæдзарадон цалдæр зæххы хайы раивтой промышленность, тарнспорт æмæ бастдзинады къæпхæны зæххы хæйтты хыгъдмæ.
