60 азы ӕнӕ бындурон цалцӕгӕй. Ныртæккæ та Джызæлы скъолайы бæстыхай йæ хуыз скалдта. Раздæры къултæ æмæ тыргътæ, фӕлӕ алцыдæр ноггонд. Интернаты хъомылгӕнинӕгтӕ ног ахуыры азыл сæмбæлдысты æппæты нырыккондӕр уавӕрты.
Æхсай азмæ инженерон хызтæ заууатмæ æрцыдысты. Аразджытӕ сног кодтой хъармгæнæн системæ ӕмӕ иннӕ коммуникацитӕ. Бындуронӕй аивтой агъуыстытӕ дӕр. Срӕвдз кодтой ахуыргӕнӕн кабинеттӕ, хӕрӕндон, уӕлдай ӕргом аздӕхтой хуыссӕн уӕттӕм.
Ам сӕвӕрдтой ног мебель, ахуыртæн нырыккон ифтонггарз. Бæстыхай цалынмӕ цалцӕг кодтой, уæдмæ сывæллæттæ ахуыр кодтой Джызӕлы фыццæгæм скъолайы. Ныртӕккӕ интернат раздӕхт йӕ ахуыр фӕткмӕ.
Уæлдай æргом раздахæн ис актон залмæ. Цалцæджы размæ уæвгæ дæр нæ уыд. Скъолайы иумӕйаг линейкӕтӕ, мадзӕлттӕ ӕмӕ концерттӕ арӕзтой интернаты кӕрты кӕнӕ тыргъты.
Скъола-интернат бындуронӕй сцалцӕг кодтой нацпроект “Фӕсивӕд ӕмӕ сывӕллӕттӕ”-мӕ гӕсгӕ. Ацы аз Цӕгат Ирыстоны дарддӕр ног кӕндзысты ахуырадон кусæндæттæ.
Джиоты Данæ, Челæхсаты Алан
