Фæллойы ветеран, Паддзахадон Советы ветеран Любовь Радзивилова сбæрæг кодта йæ 100 азы юбилей

Нæ республикæйы ацæргæдæр цæрджытæй иу, фæллойы ветеран, паддзахадон советы ветеран Любовь Радзивилова сбæрæг кодта йæ æнусон юбилей. Фыдыбæстæйы Стыр хæсты архайдта дзоттæ æмæ æндæр хъахъхъæнæн хæцæнгæрзтæ аразыны хъуыддаджы. Куыста, танктæ кæм цалцæг кодтой, ахæм куыстуаты. Йæ цард сбаста педагогон дæсныйадимæ æмæ 20 азæй фылдæр йæ зонындзинæдтæ не ‘вгъау кодта сабитæн. Стыр æвæрæн бахаста фæсивæды хъомыладмæ. Любовь Радзивиловайæн раарфæ кæнынмæ æрбацыдысты хицауады уæнгтæ, администрацийы минæвæрттæ, хæлардзинады хæдзар æмæ ветеранты совет, уыимæ 11-æм скъолайы ахуырдзаутæ. Любовь Радзивиловайы схорзæхджын кодтой кады гæххæттытæ æмæ юбилейон майдантæй.