Федералон проектмæ гæсгæ Дзæуджыхъæуы аразынц физкультурон-дзæбæхгæнæн комплекс. Йæ фæзуат – 6 мин квадратон метры. Йæ инфраструктурæ та уыдзæн, Цæгат Кавказы æмбал кæмæн нæй, ахæм. Лæвар дзы сæ бон архайын уыдзæн æххуысцух бинонты сывæллæттæн, сидзæр сабитæн, пенсиисджытæн, стæй, йе ‘нæниздзинад хъыгдæрд кæмæн у, ахæм адæмæн. Уыимæ ма спорттивон комплексы фæзындзæн 87 ног куысты бынаты.
Проекты нысан у инфраструктурæ афтæ парахат кæнын, цæмæй се ‘ппæт адæммæ дæр хæстæг уой алыхуызон спортивон секцитæ. Афтæмæй, 2030-æм азмæ хъуамæ спортæй архайой кусынхъом цæрджыты 73 %. Спортивон объекты уыдзæн фитнес-центр, стæй бассейнтæ æмæ æндæр объекттæ. Арæзтад фæуыдзæн 2025-æм азы.
