Цыппар азæй фылдæр Цæгат Ирыстоны æххæст кæнынц «Горæты æнцонвадат царды уавæртæ аразыны» федералон прогаммæ. Йæ фæлгæты нывылгонд цæуынц, куыд æхсæнадон бынæттæ, афтæ бирæфатерон хæдзæртты кæртытæ дæр. Ныридæгæн аивгонд æрцыд 350 объектæй фылдæр. Нæ уацхæсджытæ бæлвырддæр радзурдзысты.
Хæстæгдӕр рæстæг ам уыдзæн ног асфальт. Куыд хæдтулгæтӕн, афтæ фистæгцæуджыты фæндæгтыл дæр. Уымæй уæлдай, бордюртæ, рухсы цæджындзтæ, бандæттæ, бырондæттæ. Кусынц «Горæты æнцонвадат уавæртæ аразыны» федералон программæмæ гæсгæ. Республикæйы æххæстгонд цæуы ныр 4 азæй фылдæр. Уыцы рæстæгмæ 350-æ фылдæр кæртмæ базылдысты. Ацы аз та 65 уыдзысты.
Базилинаг объектты хыгъд ма цалдæр адрисæй баххæст кодтой. Ахæм курдиатимæ депутаттæм фæсидтысты горæты цæрджытæ. Республикæйы сæргълæууæг бабар кодта куыстытæм æвæстиатæй бавналын. Хыгъдмæ бахауын зын нæу. Курдиат бадæттын хъæуы Дзæуджыхъæуы администраци, кæнæ та горæты районы депутатмæ. Гæххæттытæм æркæсынц цыбыр æмгъуыдмæ.
