Филармонийы симфонион дирижерты студийы ахуыргæнинæгтæ фыццаг хатт разамынд лæвæрдтой профессионалон оркестрæн

Ӕрыгон дирижертӕ разамынд лӕвӕрдтой Цӕгат Ирыстоны паддзахадон филармонийы камерон оркестрӕн. Концерт уыд Гӕздӕнты Булаты номыл залы. Сӕ хъарутӕ равдыстой республикон студийы 6 хъомылгӕнинаджы: Будайты Олан, Сидахъаты Константин, Макар Шаповалов, Хохойты Артур, Туаты Сӕрмӕт ӕмӕ Зӕнджиаты Тамерлан. Аивадон изæр амыдта Уӕрӕсейы аивӕдты сгуыхт архайӕг Махъоты Ацӕмӕз. Проектӕн, зӕгъӕн ис, ӕмӕ ӕмбал нӕй бӕстӕйы. Ахуыргӕнинӕгтӕн стӕм фадат фӕци — профессионалон коллективы пульты уӕлхъус æрлӕууын. Симфонион дирижерты скъола Цӕгат Ирыстоны кусы дыууæ мин фыццæгæм азӕй фӕстӕмӕ. Фӕсивӕд райсынц бӕрзонд ӕмвӕзады дӕсныйад, егъау горæттæм нӕ ацӕуынц, афтӕмӕй. Мадзал арӕзт ӕрцыд адӕмты иудзинады азы фæлгæты. Программӕйы уыд Цӕгат Кавказы аивӕдты паддзахадон институты иугонд хор дӕр. Азӕлыдысты Чайковскийы, МАлеры, Вивальдийы шедевртӕ, стӕй национ композиторты уацмыстӕ.