Дзæуджыхъæуы Хъæбатырты боны кадæн арæзт æрцыд цымыдисаг мадзал. Сабырдзинады проспекты байгом равдыстыты проект «Фыссут фыстæджытæ», зæгъгæ. Арæзт у ветеранты хуызистытæй, хæсты архивон къамтæй æмæ фронтæй æрвыст фыстæджытæй. Экспозици фæзынд Дзæуджыхъæуы бынæттон администрацийы хъæппæрисæй. Проекты автор Гокъоты Алисæйы ныхæстæм гæсгæ, ацы мадзалæй æрхъуыды кодтой Уæрæсейы хъæбатырты нæмттæ, йæ туг хæсты чи калдта нæ бæстæйы сæраппонд, уыцы ветеранты рухс нæмттæ. Уымæй уæлдай ма дзы иу хатт бузныг загъта, нæ республикæйы æгас чи у, уыцы ветерантæн. Уыдон сты хъæбатырдзинады æвдисæн. Равдысты фенæн ис Кавказы Тохы архайджыты æртын къамы, уыимæ æвдай фондз азæй фылдæр кæуыл цæуы, ахæм фыстæджытæ.
«Бирæ адæмы зæрдæмæ фæцыд равдысты хъуыды, аккаг аргъ ын скодтой æмæ сын бузныг. Телефонæй дæр æрбадзурынц, къамтæ æрбарвитынц – уазал уа – талынг, уæддæр экспозицийыл адæмы цæст æрхæцыд. Уынджы арæзт равдыстытæ нæм уæвгæ дæр арæх не сты, уæлдай дæр зы»,- зæгъгæ Гокъоты Алисæйы.
