Ахсджиаг у сæрмагонд техникæмæ гæсгæ архайын. Афтæмæй сусæггæнæн хыз фылдæры фаг суыдзæн. Специалисттæ куыд зæгъынц, афтæмæй ацы архайд æппæтæй æнцондæр æмæ тагъддæр у. Лыстгдзинæдтæ куы базонай, уæд куыст рæвдздæр цæуы.
Фæсивæды архайдмæ йæ цæстд дары сæ разамонæг Золойты Игорь. Йæхæдæг дæр гуманитарон æххуыс бирæ хæттыты аласта не ‘фсæддонтæн, бынаты дæр иу баззад, æххуыс сын иу кодта. Уым уæвгæйæ, сгарджытæ Игорæн балæвар кодтой чингуытæ – цардархайды æдасдзинады бындуртæ. Нæлгоймаг фæстæмæ куы æрыздæхт, уæд йæ педагогон куысты æууæлтæ цæхгæр аивта. Ныр сабитимæ кусы æрмæст практикон æгъдауæй. Бындурон здæхтытæ – тактикон æмæ хæцæнгарзæй архайыны цæттæдзинад, медицинæйы бындуртæ.
Бураты Давид ахæм хыз бийы фыццаг хатт. Скъолайы йын куы загътой, се ‘ххуыс хъæуы, уæд уайтагъд сразы ис. Ææмбары, хъæугæ архайд кæй у, æххуыс у æфсæддонтæн. Фæнды йæ, цæмæй тагъддæр æрыздæхой сæ хæдзæрттæм. Давидæн йæхи фыд дæр ис сæрмагонд æфсæддон операцийы бынаты. Уымæ гæсгæ йæ фидарæй зоны, уым райгуырæн бæстæйæ æххуысæн стыр аргъ кæй кæнынц, уый.
Ацы сусæггæнæн хызты ‘руаджы бирæ æфсæддонты цард бахъахъхъæнын бантыст. Уый зонгæйæ сывæллæттæ æхсызгонæй архайынц. Стæй ма зымæг куыд хæстæгдæр кæны, афтæмæй канд кæрдæгхуыз хызтæ нæ, фæлæ бийдзысты урсытæ дæр. Ацы хъæугæ хъуыддаджы архайынц скъоладзаутæ, пенсиисджытæ, стæй ацы цаутæм куыдфæндыйы цæстæй чи нæ кæсы, уыдон. Йе ‘ххуысы хай бахæссын йæ бан у алкæмæн дæр.
Адæмон фронт дарддæр дæр ласы сæрмагонд æфсæддон операцийы бынатмæ гуманитарон уæзтæ. Уыимæ ма активисттæ аразынц уавæртæ, цæмæй фæсивæдæн фадат уа ахæм хъæугæ æххуыс бакæнынæн. Се ‘ппæт дар архайынц иу ахсджиаг хæс сæххст кæныныл – фæуæлахиз уæвыныл.
