Хæринагыл ссад дзидза куыд æмæ кæд ныккæнгæ у æмæ цавæр температурæйы фыцгæ у? Æппæт лыстæгдзинæдтæ зоны хыгъдхæссæг Арина Мачильская. Цехы технологтæ йæ разамындæй кусынц. Æмæ хойрæгтæ рауайынц хæрзхъæд, хæрзад. Арина Хæххон аграрон университеты 3-æм курсы ахуыр кæны. Куыстуатмæ 4 мæйы размæ æрбацыд. Йæхæдæг куыд зæгъы, афтæмæй æцæг кондад фенынмæ рагæй бæллыд. Практикæ та — цас раздæр, уас хуыздæр.
Фыццаг Аринæ стажировкæ цыд, уымæн дæр ын фидгæ бакодтой. Уый фæстæ куысты ныллæууыд. Графикæй разы у, дыууæ боны кусы, дыууæ — улæфы. Афтæ ахуыр кæныны рæстæг дæр ис чызгæн. Педагогтæ дæр æхууыс кæнынц Аринæйæн, конспекттæ йын раттынц æмæ фæцухгонд лекцитæ бакæсы. Архайд уæлдæр ахуыргæнæндоны ног нæу. Æрмæст ацы куыстуаты фæллой кæнынц университеты 12 рауагъдоны æмæ 3 студенты. Разамынды ног кадртæ хъæуы, нæ фаг кæны специалисттæ.
Мыздæвæрды бæрц гыццыл нæу, 50 мин сомæй уæлæмæ. Уæлдæр ахуыргæнæндæтты студентты практикон цæттæдзинады фæдыл бадзырдтæ бафыстой республикæйы 200 куыстуатæй фылдæр. Студентты ахуырады аргъ развæлгъау арæх бафидынц. Афтæ йæ фидарæй фæзонынц, къорд азы фæстæ сæ куыстуатмæ цæттæ специалист кæй æрбацæудзæн.
Программæ “Студенческий стартап”-ы фæрцы студенттæн куысты ныллæууын зынгæ фенцондæр. Уый у грантон æххуыс милуан сомæн. Фæрæзтæй ис хи куыстуат саразæн дæр.
Уыцы иу рæстæг ахуыр кæнын æмæ кусын абон сарæх. Уый тыххæй загъта Президент Владимир Путин дæр. Куыд фæбæрæг кодта, афтæмæй фæсивæды зæрдæргъæвддзинад раппæлинаг у æмæ сæ фарсмæ балæууын хъæуы. Бæстæйы сæргълæууæг бабар кодта, цæмæй алы уæлдæр ахуыргæнæндоны дæр студенттæм фæкæсой ацы хъуыддаджы. Техникумтæ æмæ колледжты ахуыргæнингæгтæй уæлдæр ахуырад райсын кæй фæнды, уыдонæн дæр — аккаг гæнæнтæ.
