Фондз азы куыстуат «Дюбуа» уæй кæны цæттæ салд ирон чъиритæ. Сæ кæныны технологи æппындæр нæ аивта. Цы æгъдау ныффидар, афтæ конд цæуынц. Куыстуаты сæ цы хуызы ныссæлынц кæнынц, уый фæрцы сын 6 мæйы фесафынæй тæссаг нæу. Нырма уал сæ парахат кæнынц Уæрæсейы регионтыл, фæлæ тагъд рæстæджы ирон чъиритæм сæхи сбуц кæндзысты Казахстаны, Израилы, суанг ма Америкæйы цæрджытæ дæр. Ирон чъиритæ æппæт дунейыл куыд парахат кæнынц, уый тыххæй нæ дарддæры æрмæг.
Æртæ чъирийы…Фæлæ уазалгæнæнæй. «Дюбуа»-йы специалистты бафæндыд ахæм мадзалæй спайда кæнын, цæмæй нæ дзадджын ирон чъиритæ уа зæххы къорийы алы рæттæм дæр æрвитæн. Уыимæ фæнысан кæнын хъæуы уый æмæ сæ кæныны технологи нæ аивта, цы æгъдау ныффидар, уымæ гæсгæ конд сты. Æрмæстдæр хуыссæйыл æмæ йæ хуылфы цы бакæнынц, ууыл.
Чъиритæ куыддæр пецæй райсынц æмæ куы æруазал вæййынц, афтæ фæстæ бавæрынц уазалгæнæны. Уым сæ ныссæлын кæнынц. Уый фæстæ сæ куыд æмбæлы афтæ батухынц,æмæ сæ бафснайынц. Куыстуаты куыд зæгъынц, афтæмæй салд чъирийæ куы схъарм кæнай, уæд сæ хуыз æмæ сæ ад нæ аивынц. Ахæм хуызы кæй æруазал кодтой уыцы чъиритæн 6 мæйы фесæфынæй тас нæу. Искæй йæхи кæнæ йæ уазджыты чъиритæй фенын куы бафæнда, уæд сæ хъæуы æрмæстдæр пецы схъарм кæнын. Нæ ирон национ хæринаг æрмæстдæр Ирыстоны кæй нæу зындгонд æмæ йæ канд ам кæй нæ уарзынц,уый бæлвырд у. Уæрæсейы базаргæнджытæ дæр æхсызонæй æрæвæрынц сæ тæрхæгтыл ацы диссаджы хæринаг. Салд чъиритæ балхæнынмæ гæппæвонгæй лæууынц Ростовы, Краснодары,Стъараполы, Сочийы, Хъырымы æмæ нæ бæстæйы Цæгатаг регионты. Рады сæм лæууынц æмæ æнхъæлмæ кæсынц Израилы æмæ Америкæйы цæрджытæ дæр.
Алла Манохина: «Ныртæккæ бахатыдыстæм Уæрæсейы экспортон цæдисмæ, уый нын æххуыс кæны нæ продукци хæстæгдæр европæйаг бæстæты парахат кæныныл. 2019 азы нæ фæнды нæ чъиритæ Амрикæмæ дæр æрвитын. Уыцы хъуыддагыл дæр кусæм».
Æхсызгон уый у æмæ Уæрæсейы Президент Владимир Путины дæр фидарæй уырны денджызы фалейæ дæр номдзыд Аланты национ хæринаг-ирон чъиритæ, æнæмæнг, суыдзысты уарзон. Уыимæ сын сæ балхæнынмæ дæр батагъд кæндзысты.Уый цалдæр азы размæ загъта,ирон чъиритæ Макдональдсæй цауддæр кæй ницæмæй сты,уый. Ирон чъири скæнын æнцон нæу, уæдæ кæрдзынтæ дæр алы горæты дæр нæ кæнынц. Ныр та уавæр дзæвгар фæхуыздæр уыдзæн, ирон чъиритæ балхæнæн уыдзæн куыд нæ бæстæйы алы регионты дæр, афтæ фæсарæнты дæр.
Гæззаты Зæринæ
