Цæгат Ирыстоны æгуыст адæмæн сарæзтой акци. Куыстдæттæг организациты минæвæрттæ адæмæн сæхæдæг дзырдтой сæ куыстуæтты тыххæй. Алкæй бон дæр равзарын уыд цалдæр дæсныйадæй – хæринаггæнæджы, официанты, бæхтæм зилæджы æмæ æфснайæджы куыст.
Мадзалы архайджыты хъæуы регистраци скæнын – ныффыссын дæхи тыххæй бæлвырд информаци æмæ куыстдæттæгимæ комкоммæ аныхас кæнын. Уый фæстæ сын фадат уыдзæн сæрмагонд ахуыртæ ацæуын. Афтæмæй сын фылдæр гæнæнтæ уыдзæн куысты бынæтты ссарын. Зæгъын хъæуы уый æмæ ахæм мадзæлттæ нæ республикæйы саразынц алы районы дæр. Бæрæггæнæнтæм гæсгæ, уыдоны фæрцы ныридæгæн 26 куыстагурæджы алыхуызон организацитимæ бадзырдтæ бафыстой.
Акци арæзт уыд Дзæуджыхъæуы æгуыст адæмæн куыстагурæн центры хъæппæрисæй.