Синоптикты хъусынгæнинагмæ гæсгæ хæстæгдæр бонты боныхъæд фæивдзæн. Июны уæлдæфы рæстæмбис температурæ хæххон районты вæййы 19 градусы, быдыры та – 22 градусы. Ацы аз Ростовы гидромедцентры бæрæггæнæнтæ уыдзысты æмбæлгæ нысанмæ хæстæг кæнæ чысыл уæлдæр. Хъарм æмæ хус бонтæ ивдзысты сатæг æмæ къæвдатæй. Суанг тæрккъæвдатæ, тыхджын дымгæ æмæ ихимæ.
Ирвæзынгæнджыты цæгатирыстойнаг корпусы сидынц цæрджытæм, цæмæй къæрцхъусдæр уой. Тыхджын дымгæйы рæстæг электрон телы цæджындзт, бæлæстæ æмæ лæмæгъ фидаргонд конструкциты цур ма лæууой, ма дзы æвæрой хæдтулгæтæ дæр. Арв нæрыны рæстæг ахуыссын кæнын телефонтæ æмæ электрон прибортæ. Уæ зæрдыл уын æрлæууын кæндзыстæм, Хæххон-металлургон институты бархионты центры кæй фæнды уыдонæн се ‘ппæтæн дæр аразынц фыццаг медицинон æххуыс бакæныны фæдыл дæсныйадæвдисæг ахуыртæ.
