Хетæгкаты Къостайы 160 азы юбилеймæ цæттæгæнæн мадзæлттæ кæронмæ фесты

14.10.2019 22:00

Бæрæгбоны мадзæлттæй æппæты егъаудæртæй иу ацæудзæн 15 октябры, Хетæгкаты Къоста кæм райгуырд, уым – Нары хъæуы.

Ирон литературæйы бындурæвæрæг Хетæгкаты Къостайы 160 азы юбилеймæ цæттæгæнæн мадзæлттæ сæ тæмæны сты. Бæрæгбоны мадзæлттæй æппæты егъаудæртæй иу ацæудзæн 15 октябры, Хетæгкаты Къоста кæм райгуырд, уым – Нары хъæуы. Ныртæккæ рæвдз кæнынц баннертæ, аив кæнынц хъæумæ бахизæн. Цæттæ кæнынц телеуынынады равдыстытæ æмæ документалон кинонывтæ. Нары сифтонг кæндзысты нысангонд фæз дæр. Уым бæхты театры артисттæ адæмы рæгъмæ рахæсдзысты поэты номыл премьерон спектакль. Уымæй уæлдай ма Нары сараздзысты концерт. Бæрæгбон райдайдзæн, поэт ныгæд кæм ис, уыцы уæлмæрдыл дидинджытæ сæвæрынæй. 30 скъолайы ахуырдзаутæ бакæсдзысты поэты æмдзæвгæтæ. Хетæгкаты Къостайы райгуырæн бон бæрæг кæндзысты канд Цæгат Ирыстоны нæ, фæлæ ма æгас бæстæйы дæр. Мæскуыйы ацæудзысты ирон культурæйы бонтæ. Уый фæлгæты бацæттæ кæндзысты цалдæр сæрмагонд мадзалы. Фæнд кæнынц литературон æмæ аивадон фæмбæлдтытæ скæнын. Октябры кæрон Мæскуыйы Стыр Театры ацæудзæн егъау гала-концерт. Фæнысан ма кæндзыстæм, райсом Нармæ автобустæ лæвар кæй цæудзысты, уый. Ацæуæн уыдзæн райсомы аст сахатыл, Ирон театры разæй.

Предыдущий материал

Æртæ мин æфсæддонæй фылдæрæн Цæгат Ирыстоны æмæ Дагестаны сарæзтой ахуыртæ

Следующий материал

Мемориалон комплекс «Журавли» нымад æрцыд культурон нысаны объектыл

Читайте также

Все новости