Хъиргъуты Анзорыл ацы бонты сæххæст 90 азы

Æцæг ирон нæлгоймаг, ахуыргонд, æфсæддон, дипломат æмæ педагог. Хъиргъуты Анзорыл ацы бонты сæххæст 90 азы. Цæгат Ирыстоны æмæ Стъараполы крайы зындгонд адæймæгтæй иу – ахадгæ æхсæнадон æмæ паддзахадон архайæг, Советон армийы булкъон, профессор æмæ философон наукæты кандидат. Хъиргъуты Анзор райгуырд Дур-Дуры, ахуыргæнæджы бинонты. Схъомыл уæззау азты. Зонындзинæдтæм тырнгæйæ æвзонг лæппу райста дыууæ уæлдæр ахуырады. Бæстæйы æфсæддон æмæ наукон интеллигенцийы минæвар, куырыхон хистæртæй иу. Хъиргъуты Анзор архайдта Цæгат Кавказы нациты ‘хсæн хæлар ахастдзинæдтæ парахат кæныныл. У советон орден «За службу Родине в Вооруженных Силах СССР»-ы 3-æм къæпхæны кавалер, хорзæхгонд æрцыд «Ирыстоны намысы майдан»-æй, уыимæ «За заслуги перед Ставропольским краем» майданæй. Йæ хæрзиуджыты хыгъд у егъау. Зæгъын ма хъæуы уый, æмæ у 100 наукон куыстæй фылдæры автор, Социалон наукæты Уæрæсейы академийы академик. Ацы бонты йын арфæ кæнынц, стыр аргъ ын чи кæны, уыдон.