РЦИ-Аланийы премьер-министры хæстæ рæстæгмæ æххæстгæнæг Дзанайты Барис сарæзта Хицауады æмбырд

Промышленнон кондады индекс республикæйы æппæт экономикон архайды здæхтытæм гæсгæ у 121,2%. Бæстæйы рæстæмбис бæрæггæнæн та у 100,4%. Уæйгонд продукцийы гуырахст 2026 азы фыццаг æрдæгмæ фароны уыцы æмгъуыдимæ абаргæйæ фæфылдæр 16,7%, йæ бæрц 36,2 млрд сомы. Ахæм бæрæггæнæнтæ фехъусын кодта экономикон райрæзты министры хæстæ рæстæгмæ æххæстгæнæг Олег Быкадоров. Экономикон моделы фæлгæты æххæстгонд цæуынц 5 раззагдæр проекты, уыдонæй 12 – туризмы, логистикæйы, промышленнон комплексы къабæзты. Сæ иумæйаг аргъ 78 млрд соммæ ‘ввахс, уыдонæй 59 млрд æнæбюджетон фæрæзтæ. 2025 азы 1-æм январæй республикæйы 7 районы æмæ Дзæуджыхъæуы снысан кодтой туристон хъалон. Ацы афæдзы фыццаг æмбисмæ иумæйаг бюджетыл бафтыд 11,5 милуан сомы.