Хицауады æркастысты регоины дарддæры æнæкъуыхцы социалон-экономикон райрæзты фарстатæм

Боны фæткы — республикæйы социалон-экономикон райрæзтыл куыст. Мадзæлттæ снысан кæныны уынаффæ рахастой фарон Федерацийы Советы, Цæгат Ирыстоны бонты хатдзæгтæм гæсгæ. Документы ис регионæн ахсджиаг 30 объектæй фылдæр, сæ иумæйаг аргъ — 35 млрд сомы бæрц. Афтæ, “Росводоресурс”-ы программæмæ гæсгæ, ацы аз Дзуарыхъæуы бакусдзысты донивылдтытæй бахъахъхъæныны фарстайыл. “Джызæл-Хъæрмæдон-Дæргъæвс- Дзуарыхъæу”-ы фæндаджы рацарæзтæн дæр фæрæзтæ снысан кодтой. Баныхас ма кодтой Архонкæйы иувæрсты фæндаг саразыныл. Уымæй уæлдай, федералон æххуысы руаджы, къухы бафтдзæн Мæздæджы районы рынчындоны арæндон саразын. Елхоты та, зæронд скъолайы бæсты, хъуамæ самайой ног бæстыхай. Æхца снысан кодтой Беслæны 1-æм скъолайы Культурон-патриотон центры музейы экспозици саразынæн дæр. Ныры онг къухы цы бафтыд, ууыл премьер Дзанайты Барис æрдзырдта æхххæстгæнæг оргæнты разамонджытимæ. Æмбырды видеобастдзинады руаджы архайдта сенатор Виталий Назаренко.