Перспективон инвестпроекттæм æркастысты республикæйы хицауады. Æмбырд амыдта премьер Дзанайты Барис.
«Агропромышленный комплекс «Станица Архонская» куыстуаты минæвар Хæмицаты Арсен равдыста бирæвæрсыг комплексы проект. Уыдзæн дзы куырой, кондадон цехтæ, стæй цæттæ продукцийы æвæрæнтæ. Йæ ныхæстæм гæсгæ, ныридæгæн проекты райрæзтыл сæхи фæрæзтæй схардз кодтой 300 млн сомы. Фæнд кæнынц кредит райсын дæр. Фыццаг къæпхæныл куыстуаты фæзындзæн 150 ног куысты бынаты.
Ноджы ма иу проект — агротуристон дзæбæхгæнæн компании «Шале». Ныхас цæуы фысымуат æмæ коттеджты арæзтадыл. Перспективон инвестпроектты ‘хсæн — хъæууонхæдзарадон куыстытæн донхорыггæнæг роботтæ рауадзын. Проект райдайыны тыххæй инвесторы хъæуы кондадон бæстыхæйттæ æмæ зæххы хай.
Дзанайты Барис бабар кодта алы проектæн дæр гæххæттытыл бакусынæн хъæугæ æххуыс бакæнын.
