Хуссар Ирыстоны паддзахадон драмон театр гастролты ис нæ республикæйы. Фæуыдзысты нæм æхсæз боны. Райдыдтой абон спектакль «Фатимæ»-йæ. Саккаг æм кодтой Хуссар Ирыстоны президент Бибылты Анатолий æмæ Цæгат Ирыстоны культурæйы министр Къубалты Эльбрус. Театрдзаутæн сæ бон уыдзæн фенын комедитæ æмæ сывæллæтты аргъæуттæ. Равдыстытæ цæуынц Цæгат Ирыстоны ирон театры сценæйыл æмæ республикæйы районты. Труппæ равдисдзæн спектакль «Æфхæрдты Хæсанæ». Йæ æвæрæг у цæгатирыстойнаг режиссер Бекъойты Розæ. Актертимæ архайдтой æрбахонгæ дæсны специалисттæ – стенограф Челæхсаты Магрез, спектаклы музыкалон хайыл та бацархайдта Гæзайты Зойæ. Хуссар Ирыстоны паддзахадон драмон театры аивадон разамонæг Дзуццаты Тамерлан куыд бафиппайдта, афтæмæй цæгатирыстойнаг театрдзаутæ арфæйаг сты, театралон аивад сæ уæлдай цымыдис кæны. Зæгъын хъæуы уый, æмæ Цæгат Ирыстоны театр дæр гастрольтимæ бабæрæг кæндзæн Хуссар Ирыстон 2020-æм азы апрелы.
