Дадзинтæ сты нæ организмы траспортон егъау артеритæ. Уыдоны уылты туджы чырæгтæ хæссынц туаггуыр æмæ æндæр пайдайаг буаргъæдтæ. Арæх ахæм “фæндæгтыл” æрцæуы къуылымпыдзинæдтæ дæр. Уымæн вæййы цалдæр аххосаджы, фæлæ сæйрагдæр – æнæпайда хæринаг. Сурвыхæй æмæ адджинæгтæй дадзинтæ, медицинон æвзагæй дзургæйæ, “нызгæ” вæййынц æмæ хорз нал фæкусынц. Æвзæр фæстиуджытæй хи куыд бахизæн ис, уый зоны Икъоты Зæринæ.
Хуымæтæг ныхæстæй дзургæйæ, нæ туджы белоктæ баиу вæййынц сæкæримæ æмæ раттынц продукты гликирование, кæй хонынц, уыдон. Фæлæ сыл хъуамæ уыргтæ тых кæной. Уыдон организмæй ракæнынц æппæт зианхæссæг буаргъæдтæ. Фæлæ диабет кæнæ хъыгдард куы уой, уæд оргæнтæн токсинтæ ратæрын сæ бон не суыдзæн. Заринæйы проект амоны фарста ног хуызы аиуварс кæнын.
Æппæт анализтæ раттыны фæстæ дохтыр фæзоны æппæт бæрæггæнæнтæ дæр, афтæмæй низтимæ тох кæнын райдайынц. Ныртæккæ иртæстытæ дарддæр цæуынц. Ахуыргонд куыд зæгъы, афтæмæй сæйраг нысан у алцыдæр афоныл скæнын, рæстæг ма фесафын – рагагъоммæйы профилактикæйы методтæ фæхуыздæр кæнын.
Зæринæ йæ зонындзинæдтæй дих кæны æвзонг медиктимæ. Цæгат Ирыстоны паддзахадон медицинон академийы разамынд дæтты сæрмагонд къордæн. Æрыгон дохтыртæ ахуыртимæ уыцы иу рæстæг сæхи фæлварынц наукон архайды дæр.
Йæ архайд райдыдта скъолайы ахуыр кæнгæйæ. Сывæллонæй Зæринæ сразæнгард хими æмæ биологимæ. Медицинон институт равзæрста зæрдæйы домæнтæм гæсгæ æмæ нæ фæрæдыд. Куыд зæгъы, афтæмæй куысты фæзмы йæ ахуыргæнджыты. Сæргълæууæджы преми та ма йæ дæсныдзинадæн иу хатт у æвдисæн.
Преми йæ разæнгард кæны дарддæр наукæйы рæзынмæ æмæ йæ нысантæм тырнынмæ. Разæй Зæринæмæ æнхъæлмæ кæсынц стыр æнтыстдзинæдтæ æмæ егъау бæллицтæ.
