Аргъæутты бæстæмæ абалц кодтой Заманхъулы рæвдауæндоны хъомылгæнинæгтæ. Ирон æвзаджы ахуыргæнæг Цæллагкаты Луизæ дзы сарæзта гом урок. Скъолайы агъоммæ кусæндоны сабитимæ архайынц мадæлон æвзаг бахъахъхъæныныл. Фыццаджыдæр сæ фæнды, цæмæй хъæуы сывæллæттæ дзурой æмæ хъуыды кæной иронау. Уыимæ зоной рагон аргъæуттæ, æмбисæндтæ. Хъазты хуызы архайдæн та вæййы хорз хатдзæгтæ, зæгъынц хъомылгæнджытæ. Рахизфарсы районы ахæм гом ахуыртæ саразынц æппæт рæвдауæндæттæ радмæ гæсгæ. Ацы хатт дæр Заманхъулы рæвдауæндоны хистæр æмæ астæуккаг къорды сабитæ равдыстой сæ зонындзинæдтæ. Мадзалы уазджытæ уыдысты Рахизфарсы районы ахуырады хайады кусджытæ, ирон æвзаджы ахуыргæнджытæ.
