“Иугонд Уӕрӕсе”-йы штабы схорзæхджын кодтой социалон кусджыты

“Иугонд Уӕрӕсе”-йы ӕхсӕнадон ӕххуысы штабы дæр уыд кадджын мадзал Социалон кусӕджы боны фӕдыл. Партийы адӕмон программӕ ӕмӕ “Сылгоймӕгты змӕлд”-ы федералон проекты фӕлгӕты хӕрзиуджытӕ райстой къабазы хуыздӕр специалисттӕй 20-ы бӕрц. Сæ дӕсныйад домы зӕрдӕйы хъарм. Æрвылбон узæлынц ацӕргӕ адӕм, бирӕсывӕллонджын бинонтæ ӕмӕ, йе ‘нӕниздзинад хъыгдард кӕмӕн у, уыдоныл. Сӕ ӕнувыддзинад — ӕхсӕнады социалон фидардзинады бындур. Къабазы рӕзт ис паддзахадон политикӕйы сӕйрагдӕр нысæнтты ‘хсæн. Мадзаларазджытæ стыр бузныг загътой ӕппӕт кусджытӕн дӕр сӕ фæллойы тыххӕй. Фембӕлды кӕрон сын радтой зӕрдылдарӕн лӕвӕрттӕ ӕмӕ арфӕйы фыстӕджытӕ.